दिनांक : १५ जुलै २०१७
देखणा, आकर्षक,
तितकाच कणखर, घनदाट अरण्याने वेढलेला,सभोवताली धाक असलेला, थोडक्यात शिवजन्माचा
मान हुकलेला, सह्याद्रीच्या रांगांमधील एक महत्त्वाचा किल्ला. माहुली तसा एकटा
नाही. त्याला साथ देतात पळसगड, भंडारगड आणि काही सुळके. त्यातील काही तर आजही
अजिंक्य आहेत.
 |
| हम सात साथ है |
ट्रेकिंगसाठी
बाहेरगावी जाऊन गड-किल्ले सर करता करता घरापासून काही मिनिटांवर असलेला माहुली
खुणवत होता. मग मात्र ठरवून “माहुलीगड”
मोहीम आखण्यात आली. मावळ्यांची जमवा जमव सुरु झाली आणि एकूण १० मावळे मोहिमे साठी
तयार झाले. त्यातील ८ रात्री गडावर दाबा धरून बसणार होते आणि २ पाहाटे गडाकडे कूच
करणार होते. दत्ता (माझा वर्गमित्र आणि खरा भटक्या ) आणि बंधू हे मोहिमीच नेतृत्व
करणार होते. ह्या दोघानाही महुलीगडाचा अनुभव आहे, बंधूने तर हनुमान दरवाजा आणि
कठीण असा कल्याण दरवाजाच्या बाजूने गड सर केला आहे. त्यामुळे बिनधास्त होतो. परंतु
मित्र आणि अनुभवी ट्रेकर्सचे मेसेज येवू लागले, सर्वांच म्हणणे एकच कि पावसाळ्यात
माहुली खूप रिस्की.. आणि खरंही आहे कारण निसर्गापुढे चुकीला माफी नाही. मनात हूर
हूर होती पण ठरवलं कि आता काहीही होवो ट्रेक पूर्ण करायचाच.
 |
| महादरवाज जवळील देवड्या |
जुलै महिन्यातील
दुसरा शनिवार आणि रविवार निश्चित करण्यात आला. डिकेथल्यॉनच्या वाऱ्या सुरु झाल्या.
आवश्यक सामानाची जमवा जमाव सुरु झाली. बघता बघता शनिवार उजाडला सामानाची बांधा
बांध झाली अक्षयराज असा आजारी पडला कि त्याला बोलताही येत नव्हत. त्याला घरीच
सोडून आम्ही सातजन बाईकने दुपारी २:०० वाजता माहुली गडाकडे निघालो आणि ३:०० वाजता
माहुली चढायला सुरुवातही केली. अविनाश,अक्षयराज आणि रोहित दुसऱ्या दिवशी सकाळी
आम्हाला गडावर भेटणार होते.
जवळपास सर्वांचचं
डीसेन्डिंग सुरु असताना आमच मात्र असेंडिंग सुरु झाल. संध्याकाळी ६:३० वाजता आम्ही
महादरवाज्याच्या जवळ पोहोचलो. दरवाज्याला लागून देवड्या आहेत, हे माहुली गडाचे मुख्य
प्रवेशद्वार आहे. देवड्या ओल्या होत्या पण स्वच्छ होत्या. खांद्यावरून स्याक
उतरवली आणि एकदम हलक वाटलं. जागा बघून टेंट लावले. एव्हाना दत्ता ने बनवलेला
स्टोव्ह चांगलाच पेटला होता आणि त्याची उब जाणवू लागली होती. डब्बे उघडले गेले
पोटपूजा करता करता आत गप्पांना आणि बाहेर पावसाला उत आला होता. जेवणानंतर बंधूने
बनवलेल्या गरम गरम ब्ल्याक टीने तर अजूनच फ्रेश झालो. संपूर्ण गडावर आम्ही ७ मित्र
आणि सोबतीला झोडपणार पाऊस,रोन्गावणारा वारा आणि गर्द अंधार. मधेच टोर्चच्या
प्रकाशात चमकणाऱ्या देवड्या सगळ अगदी कस एखाद्या भयपटाला सजेस. रात्री १:३० ला अजून
चार ट्रेकर्स देवड्या जवळ आले. बिचारे रस्ता चुकले होते आणि दोन तासंपासून गडावर
फिरत होते. बाजूच्या देवडी मध्ये त्यांची सोय करून दिली. वाटा माहित नसतील आणि गावातील
माहितीगार न घेता रात्री गड चढायला सुरुवात केली कि अजून काय होणार.
 |
| bhaडारगड प्लेटू |
रविवारी सकाळीच उठलो,
आज तिन्ही गड फिरायचे होते. बंधू ने मस्त म्यागी बनवली होती. म्यागी आणि चहा पिवून
आम्ही पुन्हा स्याक खांद्यावर मारली. भंडारगडावर रोहित, अक्षयराज आणि बाळा येवून
भेटले. दत्ता आणि बंधूने सर्व गड व्यवस्थित दाखवला, खर तर धुक्यामुळे काही बघता आल
नाही. परतीच्या प्रवासात तर गडावर हौशी ट्रेकर्सची जत्रा भरली होती. मोठ्या
आवाजातली गाणी, एकांत मिळावा म्हणून आलेली जोडपी, मद्यपी. महाराज असते तर ह्या
सर्वांचा कडेलोट निचित होता. मित्रानो खूप सुंदर गड आहे पण जर व्यवस्थित फिरायचा
असेल तर शनिवार आणि रविवार सोडून कधीहि या.
गडावर दिसणारी काही मानचिन्हे...
ट्रेक करा ! फीट रहा !!
